Saytımıza xoş gəlmisiniz

Dilqəm Əsgərovla bağlı 70 ölkəyə məlumat göndəriləcək

Oxunma sayı: 90

702017_452611-1520856402

Kəlbəcərdə erməni işğalçıları tərəfindən girov götürülən azərbaycanlı Dilqəm Əsgərovla bağlı 70 ölkəyə müraciət ünvanlanacaq.

Ordu.az xəbər verir ki, bu barədə AzVision.az-a girovun oğlu Kürdoğlu Əsgərov məlumat verib. Onun sözlərinə görə, müraciətdə Dilqəm Əsgərovun qanunsuz şəkildə öz doğma torpaqlarında girov götürüldüyü, ona ermənilər tərəfindən amansız işgəncələr verildiyi haqda məlumatlar yer alacaq. K.Əsgərov hazırda bununla bağlı işlərin aparıldığını deyib.

Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüb, Azərbaycan vətəndaşı Həsən Həsənov isə güllələnərək öldürülüb.

İşğal altındakı Dağlıq Qarabağda qurulan qanunsuz “məhkəmə”nin qərarı ilə D.Əsgərov ömürlük, Ş.Quliyev 22 il müddətinə azadlıqdan məhrum edilib.

Ordu.az

Şərh yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*