Saytımıza xoş gəlmisiniz

Sərsənglə Ağdərəni birləşdirən 100 milyon dollarlıq su kanalı çəkiləcək?..- Separatçılardan yeni həyasız layihə…

Oxunma sayı: 108

Bu, işğal altındakı Azərbaycan torpaqlarında suvarılan torpaqların sahəsini iki dəfə artıracaq…

“Tezliklə  xarici investisiyalar hesabına “Artsax”da  Sərsəngin  yeni sağ sahil kanalı tikiləcək. İnşaat işləri bir neçə il davam edəcək. Kanal  imkan verəcəkdir ki, “Ağdərə rayonu”nun tarlaları rahat sulansın. Bu məqsədlə  rayonda 3 yeni su anbarı qurulacaq və nəticədə  10 min hektardan çox torpaq sulanacaq…”

Moderator24.com xəbər verir ki, bu haqda “Armenpress” saytı  qondarma rejim başçısının “müşaviri  və xüsusi işlər üzrə  nümayəndəsi” sayılan Araik Arutyunyan ad-soyadlı məxluq öz “Facebook” səhifəsinə istinadla məlumat yayıb. Qondarma “müşavir”in sözlərinə görə, 100 milyon dollara başa gələcək həmin investisiya layihəsi onun Avropa ölkələrinə səfərinin nəticəsidir və bu, işğal altındakı Azərbaycan torpaqlarında suvarılan torpaqların sahəsini iki dəfə artıracaq…Bundan əlavə, yeni kanal təzə su elektrik stansiyalarının tikintisinə şərait yaradacaq ki,  bu da gələcəkdə qondarma rejimə elektrik enerjisi ixrac etməyə imkan verəcək. Separatçı iddia edir ki, investorların nümayəndələri artıq Qarabağdadır və bu meqa-layihənin vaxtı və texniki məsələlər barədə müzakirələr aparırlar.  Investorlar eyni zamanda  sözügedən yerlərdə bağçılığın da inkişafında iştirak edəcəklər…

Sonda A. Arutyunyan Azərbaycan torpaqlarında yaşayan ermənilərə tezliklə digər xoş xəbərlər də çatdıracağını vəd edib…

Sultan Laçın

Şərh yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*